tag
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

سندريلا العصر الحديث

اذهب الى الأسفل

سندريلا العصر الحديث Empty سندريلا العصر الحديث

مُساهمة من طرف tag007 الثلاثاء ديسمبر 30, 2008 11:43 pm

سندريلا
مرات الاب : بت يا سندريلا اصحى يا بت كاك خابط فى نفوخك

سندريلا : اييييه يا مرات ابويا خمسه وحقوم

مرات الاب: قومى يا بت قامت قيامتـك

وصحيت سندريلا وهى بتأفأف

مرات الاب : يـاله قومى اكنسـى وامسحى على ما نيجى

سندريلا : وانتو رايحين فين ومتزوقين كده وكل واحده عامله نيو لوك

مرات الاب : رايحين حفله الامييير اللى حيختار واحده عشان يتجوزهـا

سندريلا : خدونى معاكو انا عاوزه اروح بليز

مرات الاب : تروحى فين يا موكوسـه بلبسك المهرول ده انا عايزه ارجع الاقى البيت بيبرق

ومشيت مرات الاب وبانتها التلاته وقعدت سندريلا تعيـط

وفجــأه طلعتلها الســاحره من الميكروويف

الساحره : مالك يا سندريلا

سندريلا : كان نفسى اروح معـاهم الحفله بس لبسى مقطع و موبايلى كارت ولابسه شبشب بصباع

الساحره : ولا يهمك

وطلعت من جيبها الموبايل وطلبت الاتليه بتاع مدام لولو يبعتو فستان وجزمه اخر موديـل

فرحت سندريلا ولبست وحطط الايشادو و الجليتور ورشت البرفان

بس الساحره قالتلها : قدامك للساعه 12 لازم ترجعى

انا صعيديه ودمى حامى ومعندش بنات تتأخر

و لو اتأخرتى حترجعى زى ما كنتى بلبسك القديم وسط الناس

سندريلا : حاضر حاضر حرجعه

خرجت سندريلا من البيت لقت الساحره مجهزة bmw

ركبت سندريلا وراحت ع القصـر

ولفت جمــالها كل اللى موجودين

و اول ما عين الامير وقعت عليها

راح وطلب يرقص معاها و وافقــت

نظرات ... همسات .... صمــت

ترررررررررن ترررررررررررن

سندريلا : ده الساحره بتدينى ميسد .. يا خبر الساعه 12

وقامت طالعه تجرى قوم ايه وهى بتجرى فرده الجزمه اتخلعت

خدها الامير المعجب و نده للوزير

الامير : يا وزير هيثم

الوزير : امرك مولاى

الامير : خد الجزمه دى اسحبلى صورتها اسكانر

و نزل صورتها فى كل الجرايد و ع الويب سايت بتاع قريتنـا

واكتب الى صاحبه هذه الجزمه التوجهه للقصـر الملكــى

بنات كتير جدا راحو و يا سبحان الله الجزمه مجتش على مقاس حد فيهم (ال يعنى سندريلا رجليها رجل معزه )

الى انا شاهدت سندريلا الاعلان عن فرده الجزمه على ميلودى

وقامت بالتوجهه الى القصر وتزوجت هى والامير

وعاشوا فى تبات ونبات و خلفوا تؤام ملتصق وشويه بنات

tag007

المساهمات : 11
تاريخ التسجيل : 28/12/2008

الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى